Ақтөбе облысының білім басқармасы «Мұғалжар ауданының білім бөлімі» ММ
ГУ «Отдел образования Мугалжарского районаУправления образования Актюбинской области»
АҚТӨБЕ ОБЛЫСЫНЫҢ БІЛІМ БАСҚАРМАСЫ Мұғалжар АУДАНЫНЫҢ БІЛІМ БӨЛІМІ» ММ
өз құзыреті шегінде облыстың білім беру саласында басшылықты жүзеге асыратын Қазақстан Республикасының мемлекеттік органы болып табылады. Бөлімнің құрылтайшысы Ақтөбе облысы Мұғалжар ауданының әкімі болып табылады. Бөлімнің осы Ережеге қоса берілген тізбеге сәйкес ведомстволары болады. Бөлім өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады. Басқарма мемлекеттік мекеменің ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртабандары, белгіленген үлгідегі бланкілері, Қазақстан Республикасының заңнамасына сәйкес қазынашылық органдарында шоттары болады.
Құрметті Мұғалжар ауданының тұрғындары! Білім беру жүйесімен байланысты мәселелер туындаған жағдайда төменде көрсетілген байланыстар бойынша "Мұғалжар ауданының білім бөлімі"ММ басшысына жүгіне аласыз.
Конкурс туралы хабарландыру
18.03.2024
«Ақтөбе облысының білім басқармасы Мұғалжар ауданының білім бөлімі» ММ
Ақтөбе облысы, Мұғалжар ауданы, Қандыағаш қаласы, Жастық мөлтек ауданы 2Д.
e-mail: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.
(конкурсты ұйымдастырушының атауы, пошталық және электрондық мекенжайлары)
Мұғалжар ауданының білім бөлімі жеке мектепке дейінгі тәрбие мен оқытуға мемлекеттік білім беру тапсырысын орналастыруға 210 орынға конкурс жариялайды.
Конкурсқа қатысу үшін жекеменшік мектепке дейінгі ұйым Мұғалжар ауданының білім бөліміне мынадай құжаттар тапсырады:
1) осы Қағидаларға 1-қосымшаға сәйкес нысан бойынша өтініш;
2) мектепке дейінгі ұйым басшысының қолымен және мөрімен расталған бейнебақылау камераларының, дабыл түймешесінің және дауыстық хабарландырудың бар болуы жөнінде ақпарат;
3) Санитариялық қағидаларға сәйкес тәрбиеленушілерді (сыйымдылығы үш топқа дейін болған кезде) медициналық қамтамасыз етуді жүзеге асыруға арналған бастапқы медициналық-санитариялық көмек көрсету аумақтық ұйымымен шарт;
4) штаттық кестенің және педагогикалық немесе бейіндік білімі бар педагогтердің белгіленген үлгідегі білім туралы құжаттарының көшірмелері;
5) ғимаратты/үй-жайды жалдау шартының көшермесі (бар болса).
Конвертке салынған конкурстық өтінімдерді конкурсқа қатысушылар «Мұғалжар ауданының білім бөлімі» ММ-не төмендегі мекен- жай бойынша : Ақтөбе облысы, Мұғалжар ауданы, Қандыағаш қаласы, Жастық мөлтек ауданы 2Д, қабылдау кабинетіне тапсырады немесе көрсетілген электрондық поштаға жолдайды.
Конкурсқа қатысуға өтінімдер берудің соңғы мерзімі 2024 жыл 20 наурыз айы сағат 18:30.
Конкурсқа қатысуға өтінімдер бар конверттер 2024 жылдың 26 наурыз сағат 15:00-де төмендегі мекен- жайда: «Мұғалжар ауданының білім бөлімі» ММ Ақтөбе облысы, Мұғалжар ауданы, Қандыағаш қаласы, Жастық мөлтек ауданы 2Д ашылады.
Комиссия мүшелері қатарынан айқындаған тұлғалар келесі 2024 жылдың 29 наурыз күні ұсынылған құжаттардың осы қағидалардың талаптарына сәйкестігін айқындау үшін мектепке дейінгі ұйымға баруды жүзеге асырады.
Ұсынылған құжаттарды қарау және мектепке дейінгі ұйымға бару нәтижелері бойынша Комиссия осы қағидалардың талаптарына сәйкестігі/сәйкес еместігі туралы хаттама жасайды және 3 (үш) жұмыс күні ішінде білім беруді басқару органының ресми интернет-ресурсында орналастырылады.
Қосымша ақпараттар мен анықтамаларды мына телефон арқылы алуға болады.
8 (7133) 3-55-02
